दूधवाला के गोठ//*

 *//दूधवाला के गोठ//*

                  एकझन दूधवाला अपन साइकिल म रोज गांव ले शहर दूध लेके बेचे जावय।एक बार ओकर संग मोर भेंट होय रहिस।ओहा बतावत रहिस कि रोजेच सही एक दिन एकठन घर म दूध देवत रहेंव त ओतकेच बेर घर मालकिन कहिस कि ' आज पावडर वाला दूध देवथ हस का '...?तुरतेच मोर सुरता आ गिस कि दूध म पानी मिलाय बर भूलागे रहेंव। मोर मति मारे गे रहिस।रोज के पानी मिलावट वाला दूध देवत रहेंव अऊ ओ दिन बिना पानी मिलाय आरुग दूध दे पारेंव।

           आज के समे म जमाना उल्टा हे आरुग दूध देबे त पावडर वाला समझथें अऊ पानी मिलाके देबे त उही ल आरुग दूध समझथें काबर कि ओमन आरुग दूध देखे नि रहें।