"पं मुकुटधर पाण्डेय जी " आज जयंती 30सितंबर

 सुरता आथे  -

"पं मुकुटधर पाण्डेय जी "

आज जयंती 30सितंबर 

     सन 1981म हमर पहिली छत्तीसगढ़ी कविता संग्रह "गुरतुर चुरपुर " (कवि द्वय मुरारी लाल साव  एवं संतराम साहू )प्रयास प्रकाशन  बिलासपुर ले  प्रकाशित होइस l  डॉ विनय कुमार पाठक जी भूमिका  लिखें हे l 

   गुरतुर चुरपुर के प्रति ला  पाके   30 सितंबर 1981  म पं मुकुट धर पाण्डेय जी रायगढ़ ले ख़ुशी  व्यक्त करत छत्तीसगढ़ी म नान्हे नान्हे आखर ले पोस्ट कार्ड म लिखके अपन आशीर्वाद देवत लिखें रहिन  "गुरतुर चुरपुर "   

    "हास्य व्यंग्य के काव्य संग्रह हे  जेमा जीवन के अनुभूति हे अउ कमजोरी ऊपर  करारा ताना बाना हे l                      आशा हे,,छत्तीसगढ़ी साहित्य म अपन जघा बनाही  l " 

ओ समे उंकर  उमर  86 बच्छर के होगे रहिन l ओमन  हिंदी के छायावाद के प्रवर्तक कवि के रूप म स्थापित होगे रहिन l   छत्तीसगढ़ी भाषा  बर उंकर कलम  चलत रहिस l साहित्य के बढ़ोतरी म उंकर योगदान उल्लेखनीय हे l

बहुत बड़े चिंतक अउ गंभीर विचारक रहिन l उंकर सोच बड़का रहिस l नवा नवा नेवरिया लिखय्या मन दिशा घलो देवत रहिन l 

     आज उकंर प्रेरणा 

अउ असीस ले 

कलम सरलग चलत हे l  

अपन जनम दिन के मोला पाती भेजे रहिन l       

    उंकर  पंदोली देये के बूता 

हमर भाखा बर बैदराज बरोबर रहिस l

द्वितीय काव्य संग्रह "मिरचा पताल  "  म उंकर  हाँथ ले लिखे चिट्ठी पाती छपे हे ले 

      एखर सेती हम नई भुला सकन अइसन महापुरुष ला  जौन छत्तीसगढ़ी म लिखें के रद्दा बताइन l  नवा नवा लिखय्या मन के पाती के उत्तर छत्तीसगढ़ी म पाती लिख के देवय l जेखर ले हमर ऊर्जा  बने हे l  

आज उंकर जयंती हे सुरता करत 

श्रद्धा सुमन -सादर नमन

🌹🌹🌹🌹🙏🙏

मुरारी लाल साव 

कुम्हारी