कार्यालयीन पत्र-व्यवहार-बलराम चन्द्राकर

 कार्यालयीन पत्र-व्यवहार-बलराम चन्द्राकर

परिपत्र/गश्तीपत्र(Circular)

जब एके सूचना आदेश, निर्देश या संदेश ला कई व्यक्ति अथवा कार्यालय ला भेजना होथे तब अइसन परिस्थिति मा लिखे गे पत्र *परिपत्र या गश्तीपत्र* कहे जाथे। 

*परिपत्र* /गश्तीपत्र, एक पत्र या प्रतिलिपि (लिखे चीज के नकल /कॉपी) या स्मृति-पत्र के रूप मा होथे। एकर उपयोग नीचे लिखे परिस्थिति मा होथे:-

1)जब कोनो सूचना बहुत अकन व्यक्ति या अधिकारी मन ला प्रसारित करना होथे।

2)जब बहुत अकन व्यक्ति या अधिकारी मन ला कोनो आदेश देना होथे।

3)जब एके विषय मा बहुत अकन अधिकारी या व्यक्ति मन ले कोनों विषय मा सम्मति /सुझाव लेना होथे।

उदाहरण -

भारत-सरकार राज्य - सरकार मन ला परिपत्र भेजथे। राज्य - सरकार मन अपन अधिकारी ;जइसे कोनो विभाग के प्रमुख या आयुक्त/कमिश्नर मन ला परिपत्र भेजथे। एक विभाग के प्रमुख/विभागाध्यक्ष अपन अधिनस्थ कर्मचारी मन ला परिपत्र भेज सकत हे।

एक उदाहरण :-

          *परिपत्र*

ए बात बर ध्यान देवावत कि एको पंखा के व्यर्थ उपयोग झन होय, महालेखाकार हा हर साल 15 मार्च ले कार्यालय मा पंखा के प्रयोग बर अनुमति दे दे हवै। ए वास्ते अधीक्षक अउ कार्यालय के कर्मचारी मन ले घलो प्रार्थना करे जावत हे कि पंखा मन के व्यर्थ प्रयोग झन होवन दैं।

                   आर. डी. साहू

अधीक्षकगण,

महालेखाकार कार्यालय, छत्तीसगढ़,

रायपुर

*परिपत्र-2*

संख्या 1409/8/415-2020

प्रेषक

      श्री पी. के. ठाकुर 

      उपसचिव, 

      छत्तीसगढ़-सरकार ।

          दि., रायपुर 11/08/2020

   

सेवा मा, 

 1-रजिस्ट्रार,उच्च न्यायालय बिलासपुर 

 2)-कमिश्नर रायपुर डिविजन 

 3)-कमिश्नर दुर्ग डिविजन 

4)-कलेक्टर महासमुंद 

 5)जिलाधिकारी अउ न्यायाधीश, बलौदाबाजार 

    महोदय! 

    मोला ये आदेश करे के निवेदन होय हे कि सम्मानीय न्यायालय के आज्ञा ले गवर्नर महोदय कुछ विषय मा हिन्दू - सम्पत्ति विधान मा परिवर्तन करत हुए समिलात हिन्दू - परिवार मा बँटवारा के बाद महिला मन ला सम्पत्ति के कुछ भाग दे खातिर बने नियम मा माननीय हिन्दू नेता अउ हिन्दू- मत के सामाजिक प्रतिनिधि मन ले परामर्श ले के बदलाव करे के प्रस्ताव रख सकत हे। ये बदलाव के प्रस्ताव के सूचना सरकार ला प्रेषित करे जाना चाही। ये प्रकार के सूचना तीनों प्रणाली मा अधिक - से - अधिक 01 नवंबर, 2020 ई. तक पहुंच जाना चाही। 

            आपके विश्वासपात्र 

                   पी. के. ठाकुर

                         उपसचिव