राज भाषा छत्तीसगढ़ी कइसे आघू बढ़ही?

 राज भाषा छत्तीसगढ़ी 

कइसे आघू बढ़ही?

राज्य तो बनगे छत्तीसगढ़ l

ओकर भाखा ला राज भाषा  राज्य ह बना दीस l केंद्र म जाके अटक गे  कइसे ओला भाषा के दर्जा मिलही? 

उहू विषय म अपन पक्ष ले विचार दे दिये गये हे, ओला मानही कब? गुने ला परगे l 

         हमर भाखा महतारी भाखा हे हमला का करना हे?

अइसन कहे म बात कइसे बनही l

जन भाषा हे तभो ले अतेक गोहार पारे ला काबर पड़त हे?सोचे के बात हे l 

पूरा छत्तीसगढ़ म बोलत हन सुनत समझत  हन l  फ़ेर लिखत हन  लिखावत हे अउ बाकी मन काबर नई लिखय? सरकारी काग जात के आवेदन ल  l हमला अइसन बूता ला करना हे l छत्तीसगढ़ म छत्तीसगढ़ी विज्ञापन /विग्यप्ति भी निकाल के देखय l 

   नान्हे लइका के मन के पढ़ाई ल

शुरू ले हमर भाखा म  कर दिये जाय l पढ़बो पढ़ाबो लिखबो  लिखाबो  सब होही l

मानकी करण होगे हे दिक्क़त घलो नई हेl 

कोनो विधा अब बांचे नई हे जेमा जोरदरहा नई लिखाये हे l

पोठ लिखत हे बढ़िया लिखे बर उमहियावत हे फ़ेर आयोग बने सरेखा नई कर पावत हे l

  जेन ओकर दुवारी म जात हे तेने ला चिन्हथे l जतका अखवार हे भाखा बर पन्ना देहे l विशिष्ट अंक निकालत हे सुगघर सुगघर रचना छापत हे रचनाकार मन के बढ़वार होवत हे l आयोग काला सकेले हे  का सकलवत हे उही जानही? फेर लिखय्या मन हताश नई हे l प्रिंट मिडिया वाले मन गर्व से कहत हे भाखा के जतन हम करत हन l भाखा दिवस के बधाई हम उही मन ला पहिली देबोन l छत्तीसगढ़ी म कतका झन बने लिखत  हे छपत हे,छपवावत हे अपन पुस्तक तेखर मन के बनाये होही सूची त आज उजागर करय आयोग  भाखा दिवस बेरा म l

एखर ले उंकर बूता दिखही घलो अउ रचनाकार मन आघू आही उत्साहित होही, बढ़वार  होही l आयोग  बूता करय  

हर विधा म लिखवाये के l नवा नवा उदिम करय  लिखय्या मन ला मान दय सम्मान दय l 

थोर बहुत अइसने लिखा जथे उपराहा झन लेहू l अंचिनहार हन आयोग बर  l भाखा दिवस हमू मनावत हन सुरता आगे आयोग के l आज जाने ला मिलही l

भाखा दिवस के अंतस ले आप सबो सियान जवान भाई दीदी मन ला बहुत बहुत  

बधाई l 

 तुहरेंच 

मुरारी लाल साव 

सियान सदन कुम्हारी