टेचरही* कहीं दीप ----|

 *टेचरही*

 कहीं दीप ----|

लेड़गा गुनगुनावत राहय कहीं दीप जले कही दिल तेरी कौन सी है मंजील ।लेड़गा ल मे कहेव देख भाई लेड़गा जले -जले म फरक है। दिया जलथे त तिरतखार ल अंजोर करथे। जेकर अंजोर म कतनो झन सकला जथे । अऊ  दिल जलथे तब सब अंधियार ।खतम, खल्लास टाटा बाय-बाय । अपने ह बैरी लगथे। एक ठन जलना अऊ होथे जेला हमन  इरखा व्देष) कहिथन। कखरो बर इरखा करना बने बात नो हे। फेर ये आम बात आय । ये मन तरी-तरी बरथे।तरी-तरी मछरी खाय माथ म चंदन लगाय।सब ल सब नी सुहाय । कोनो कखरो जनमदिन मे दिया जलात हे त ओमे जले के का बात हे। अऊ ज‌लवावत हे तभो ले जले के का बात हे।कम से कम इही बहाना स्कुल अस्पताल मे दिया तो बरगे। कोनो मास्टर मास्टरिन ल सुरहोती के दिन दिया बारे ल कहिबे त कोनो नी बारे । ऐकर दिया बरईया ल अंधभक्त कहिना घलो ठीक नइ हे। 

कर्म प्रधान विश्व रचि राखा जो जस करम कई तस फल चाखा।

जले के बात तब रहितिस रे -लेड़गा जब कोनो जनमदिन ल कोनो जहाज म मनातिस तब कहि सकत रेहेन फुलगी म दिया बारत हे। 

फुलगी म दिया बारे ले सुरता आईस अब शहर लगे न गांव सट्ठी जनमदिन ऐके दिन मनात हे।"खाय बर खपरा नही बजाय बर दफड़ा।"वो तो भला करे भगवान केक ल मुहू म चुपरइया ल कुकर नी अमराय।लईका लगे न सियान सब जनमदिन मनात हे।नाचत,कूदत गावत हे।

सबके लउठी रिगी चीगी 

मोर  लउट्ठी  कुसवा  रे 

धर बांध के डउकी लानेव 

वहू  लेगे  मुसवा  रे।

         

    फकीर प्रसाद साहू 

     फक्कड़ सुरगी 🙏