सड़क

 सड़क

               सरकार के उदारता देख .. गाँव के मनखे मन अपन गाँव म घला सड़क बनवाये के मांग करिन । सरकारी मनखे हा घला , विकास बर सड़क के निर्माण ला जरूरी समझत , चारों मुड़ा म सड़क के जाल बिछा दिस । केवल एक जगा के सड़क नइ बनिस । बल्कि वो जगा .. खाई उपर खाई बनत अऊ चौड़ा हो गिस । कुछ मन फुसुर फासर कारण जानना चाहिन । सरकारी मनखे हा बतइस के , हम विकास बर कृतसंकल्पित हन .. हम उही बुता करबो जेमा सबके विकास होय ।

               ओ जगा हा रामनगर अऊ मोमिन पारा के बीच रिहिस हे .. दुनों के बीच सड़क बने ले कतको के विकास रुक सकत रिहिस ... तेकर सेती ओती केवल खाई बनत गिस अऊ चौड़ा होवत गिस ।

हरिशंकर गजानंद प्रसाद देवांगन , छुरा .