जर बुखार* समारु के मितान बुधारू बड़ धुमधाम ले अपन लइका के बिहाव

 [4/8, 5:36 AM] +91 83491 87430: *जर बुखार* 

समारु के मितान बुधारू बड़ धुमधाम ले अपन लइका के बिहाव करिस।

आनीबान के सजावट,माईक मंच डीजे ,खाय पीये बर बफे।सगासोदर मन बेवस्था ल देख के सहंरावत राहय।वतका ल सुनके बुधारू के छाती चौड़ा हो जाय।महिना दिन बाद बुधारु ल जर बुखार धर लिस।समारु मितान के आरो ले बर घर पहुंचिस अऊ कथे कस जी मितान का होगे तोला।बुधारु कथे बस कुछ नहीं मितान बिहाव के करजा म जर बुखार धर लेहे।

       *फकीर प्रसाद साहू* 

          *फक्कड़ सुरगी 🙏*

[4/8, 11:02 PM] +91 83491 87430: *फोकट के चंदन* 

         सुखऊ खुशी मनात राहय ओकर प्रधानमंत्री आवास आगे।अऊ होना घलो जायज हे। फोकट के चंदन घिस भाई नंदन।जोशे जोश म घर ल फोर डारिस।फोरेच म कतनो पईसा सिरागे ।नेव ल घलो जमगरहा असन धर पारिस।कहिबोन त चद्दर ले जादा पांव पसार डारिस।ले दे के छज्जा लेंटर के जात ले किश्त ले जादा उधारी होगे।सुखऊ के हालत अब न खात बने न उलगल अइसे होगे।हाली मोहाली (फिलहाल)रहेबर छांव रिहिस तहू उजड़गे।कहिथे मुड़ ले जादा ब्याज तइसे सुखऊ के पुरखा के किसानी जमीन घलो बिकगे घर ल सजाय बर।

    फकीर प्रसाद साहू 

        फक्कड़ सुरगी 🙏