ज़ेहर जइसन दिखथे अउ जइसन लागथे; वोहर बस, वोतकिच भर नई रहय...*

 -

*ज़ेहर जइसन दिखथे अउ जइसन लागथे; वोहर बस, वोतकिच भर नई रहय...*

🌈🌈🌈🌈🌈

 *हाथी अउ चांटी/लघुकथा*

 --------------------------------

🌈🌈🌈🌈🌈

           हाथी अउ चांटी के मिल भेंट चलतेच रथे । ए पइत चांटी हाथी ल पुछिस - कस बाबू हाथी ,तँय कभु अपन बारे म सोचे हस ।

हाँ, बरोबर सोंचे हंव - हाथी जवाब दिस ।

"का सोंचे हस ,तँय ,चिटिक महुँ ल तो बता ।"

"येई कि दुनिया म सबले बड़खा मंय हंव ।"

"अउ कभु मोर बारे म सोचे हस जी ।"

"हां, बरोबर सोंचे हंव ।"

"का सोचे तँय मोर बारे म...? "

"बस, येई कि दुनिया म सबले  छोटे तँय हस ।"

"बस, अतकिच सोंचे हस तँय ,मोर बारे म...!"चांटी हाँसत हाँसत कठ्ठल गय रहिस ।

         फेर हाथी ल  गुनान धर देय रहिस ।

*रामनाथ साहू*

***