आँच/नान्हे कहिनी*

 -

 

-

🌈🌈🌈🌈🌈

*आँच/नान्हे कहिनी*

  -------------------------

🌈🌈🌈🌈🌈

             पनखत्ती तरिया म पुरइन पान मन गझाय रहिन । नील बरन जल बीच हरियर बरन पुरइन पान  ।  अउ हरियर बरन पुरइन पान बीच  म झाँकत गुलाबी बरन कमल दल । तरी म तउरत मछरी अउ ऊपर म गुन...गुन करत भंवरा ।

           ये सब ल देखत ऊपर चढ़त सुरुज , एक  निमिष बर , ठीक मुड़ ऊपर ठाढ़ हो गय । इहाँ तरिया के सबो कमल -दल मन रिग- बिग ले अउ चिलक उठिन  ।

           ठीक वोतकी बेरा सँवरे-पखरे नोनी हर, पानी लाने बर  गगरी धर के  वो तरिया म आइस।

       अब तो उहाँ के वो सब कमल-कमलिनी, कुमुद-कुमुदनी मन झुरमुराय के शुरू हो गय रहिन ।

            तरिया के पानी हर घलव डबके के शुरू हो गय रहिस ।

*रामनाथ साहू*

***