भूत बर भभूत

 भूत बर भभूत

    दाई हमेशा टोकते रहय l

            देख़ बेटा

    समे खराब हे l देख़ के आये जाये कर l रात बिकाल के झन घूमे कर l

    ककरो इंहा कुछ खाये पिए झन कर l कुछ कर देथे l  इही बीच म अन्नू भले छै साल के हे बात ल सुनत कहिस -दाई मैं जान डरेव l टोनही तमन्ही भूत परेत के बारे म बतात हस l दाई कहिस  हव बेटा तै नई जानस अभी नानकुन हस l

    मैं नई देखेव  दाई त मोला डर नई लागय l देखलुहूँ  त डर्रहूँ l दाई कहिस  माने कर बेटा l अन्नू हव हव

    कहत घर म खेले ला धर लेथे l    

           बस ले उतर के झोला  बेग धरे सगा आइस l मौसी मामी अउ मामाजी l दाई अबड़ खुश l उही सगा मानिस l मोला पूछिस अन्नू कहाँ हे? नई दिखत हे? खेलत होही वो l

           मौसी मोर बर कपड़ा लाने रहिस  तेला देये बर कहिस  अन्नू  आ  ये देख़ तोर बर का लाने हव l  तीर म आ गेव l खुश होगे l  ममा अउ मामी

           गोठ भर करिस  भांचा  तै कब बड़े होबे?समोसा पैकेट अउ एक दर्जन केला ला दीस l दाई के बात सुरता म आगे कोनो दिही त मत खाबे l  बात ल धर के मैं नई खाएव l

              खाये के बहाना करके लुका देव l

              रात होइस l ममा खा पी के घूमे ल निकल गे l ऐति मामी पटर पटर मारत रहिस l

              दाई सुनत रहिस मामी के मुँह चलत रहिस l एला कुछ कर दे हे वो का भूत धरे हे उतरबे नई करय

              खाये पिए के चेत नहीं l कोन कुछू कांही खवा दे हे l

               मैं सुनत रहेव l ममा उपर भूत हे l कइसे पता चलही? आइडिया लगाए ला धर लेव l

               ममा आइस l गर्मी के दिन रहिस l अपन कुरता ल  उतारीस l ओकर लाने समोसा म अउ नून मिरचा डार के रखे रहेव l  खाले  ममा कही के देव l लालची ममा खाइस l सुस्वा सुस्वा के l हू हू  हा हा  ---!

               भूत गोठिया ला धरलिस l

     सुने रहेव भूत ल भभूत दिखाना चाही l मिर्ची पाव डर के भभूत म फूँक देव l ममा भागिस ओकर ऊपर चढ़े भूत भागिस l हू हू ह ह हो हो l

     कंजूस ममा मोला मोर जन्मदिन म साईकिल नई दीस ओकर भूत ल उतार देव l अन्नू ल मजा आवत रहिस

     भागत भूत ल देख़ के l

          ∞   ∞ ∞  ∞

           मुरारी लाल साव

           कुम्हारी