27 जनवरी सन् 2022 दिन गुरूवार
मांघ पहिली पाख दशमी
बिहनिया 9.30 बजे
कोनो कोनो दिन सुरुज देवता मोर अंगना मं घाम के संग अब्बड़ अकन खुशी घलाय बगरा देथे ...त दूसर बात एहू तो आय के ये मोबाइल , टेबलेट , लेपटॉप ल कतको गारी देवंव बिहनिया ले सोशल मीडिया के सरन मं चली देथंव । आभासी दुनिया के रंगबिरंगी पोस्ट मन के बहुत अकन ल तो पढ़बे नइ करवं त कोनो कोनो मं कुछु काहीं लिखथंव ओहू लोभ के मारे के मैं नइ लिखिहंव त मोर बक बक उपर कोन टिप्पणी लिखही ..। फेर ..संगवारी मन ! आज तो बिहनिया बिहनिया मन कुलकुल्ला होगिस काबर के गद्य गगन मध्यप्रदेश के हिंदी पट्टी के सम्मानित पटल आय उहां हिंदी के नामी गिरामी साहित्यकार मन के रचना ल स्थान मिलथे ...।
मोला बहुत अकन उत्कृष्ट साहित्य पढ़े बर मिलथे ...।
अइसन पटल मं आज छत्तीसगढ़ी लेख " शहीद वीर नारायण सिंह "( मूल छत्तीसगढ़ी मं) लेखक हें श्री चोवा राम वर्मा ' बादल ' ..ल जघा मिले हे ....हमर छत्तीसगढ़ , हमर छत्तीसगढ़ी , हमर साहित्यकार भाई ....त खुशी के ठिकाना नइये ...। भगवान से बिनती करत हंव मोर ये खुशी दिनों दिन बाढ़य .....पुन्नी के चंदा कस चंदैनी बगरय ...। चलवं महूं गद्य गगन मं छोट मोट टिप्पणी लिख देवत हंव ..।
सरला शर्मा
दुर्ग
No comments:
Post a Comment