छत्तीसगढ़ी हाना

  छत्तीसगढ़ी हाना 

======०००====

*१. धान भाई भली*

      *कुटी खाई चली*

*अर्थ- धान ले चाऊर निकाल के भोजन पकाना सरल-सुगम काम आय*

*२.  सेतुवा- मनमेतुवा*

    *कब घोली,कब घाली ?*

*कब गिलास ढाली*

*कब कंठ उतारी ?*

*अर्थ:- सेतुवा पावडर ल घोल के पीना बड़ा पीचकाट बूता आय*

*३. काड़ी नहीं मूसर*

      *तैं नहीं दूसर*

*अर्थ- एकर से नहीं, तव ओकर से काम पूरा करना |*

*३. ना पहिरे के धोती*

     *ना ओढ़े के दुसाला*

    *तव निचोवौं काला*? 

*अर्थ- बहुंत तंग हाल, करारी साधन से गुजर-बसर करना*

*४. ना पकड़े के पूछी*

    *ना ही धरे के कान*

*अर्थ:- ना गांव म घर, ना ही खार म खेत वाली बात, अर्थात सम्पत्ति विहीन, आधार हीन मनखे होना*

*५. ना उधो के लेना*

       *ना माधो के देना*

*, अर्थ:- किसी से कुछ भी लेना-देना नहीं होना*

*६. गांव के जोगी जोगड़ा*

    *बाहर के सिद्ध*

*अर्थ- नजदीक या आसानि से उपलब्ध व्यक्ति या वस्तु को महत्व हीन समझना*

*७. तेली घर तेल रहिथे*

    *तव पहार ला नइ पोतैं*

*अर्थ- पर्याप्त मात्रा म कोनो चीज रहिथे,तभो ले दुरूपयोग नहीं करना चाही*

*८. गोल्लर (संढ़वा) ल हरहा कोनो नइ कहैं*

*अर्थ-समर्थवान मनखे ल कसूरवार कोनो नइ कहैं*

*९. गुड़-गोबर एक कर देना*

*अर्थ- मूल्यवान वस्तु ल मूल्यहीन बना देना*

*१०. एके पूस म जाड़ नइ जाय*

*अर्थ-बुरा वक्त सबके साथ खच्चित आथे*

*११. दूध के जरे ह मही ल फूंक-फूंक के पीथे*

*अर्थ-एक बार कोनो व्यक्ति या वस्तु  से धोखा खाए के बाद मनखे सचेत हो जाथे*

*११. छाती म कोदो दरना*

*अर्थ - कोनो मनखे ल बार-बार खरा-खोटा सुनाना*

*१२. हरही गाय कछारे जाय*

*अर्थ- एक बार चोरी या कुकर्म के आदत होय ले बार-बार कुकर्म करना*

*१३. हरहा संग कपिला के विनाश*

*अर्थ-दोषी के संगत करे ले दंडित होना*

*१४. अपन कनवा बेटा ल घलो कनवा नइ कहैं*

*अर्थ -अपन सोरा आना दोषी औलाद ल दोषहीन कहना*

*१५ लईका जांघ म मैला कर देथे, तव जांघेच ल नइ काटैं*

*अर्थ-अपन औलाद के गलती ल मांफ कर देना*

*१६. ठलहा बैठ के खाए म राजा के खजाना अउ तलाव के पानी घलो नइ पूरै*

*अर्थ-जिनगी ल सुखमय  बनाए बर रोज मेहनत करना जरूरी हवय*

*१७. ठलहा बनिया हलावै कनिहा*

*अर्थ-मेहनती मनखे ठलहा बैठ के नइ रहे सकै*

*१८. गत न गरहन बंदन के खईता*

*अर्थ - कोनो काम संहराय लाईक नहीं करना*

*१९. जांगर चलै न जंगरौटा*

     *खाए बर गेहूं के रोटा*

*अर्थ-बिना मेहनत करे माल उड़ाना*

*२०. कुकूर के पूछी टेड़गेच रहना*

*अर्थ - गलत आदत कभी भी नहीं सुधारना*

*२१. लबरा के खाय, तभे पतियाय*

*अर्थ- लबरा मनखे कभी भी वादा पूरा नइ करै*

*२२. अपन हीनता काला बताय ?*

    *चार बियाय, एक बताय*

*अर्थ-अपन बेइज्जती बात ल छुपा के रखना*

*२३. जईसन तोर बाजा बाजही*

      *वईसन मोर नाच होही*

*अर्थ-जईसन के तईसन व्यवहार करना*

*२४ मघा  के बरसे,माता के परसे*

*महतारी जैसे मया-दुलार करना*

*२५. सबके  हवय राम कहानी*

   *कोनो के बीत्ता भर, कोनो के हाथ भर*

*अर्थ - ए दुनिया म सब मनखे दुखी हवंय, कोनो के दुख कमती हवय, कोनो के दुःख ज्यादा हवय*

(दिनांक-१४.०७.२०२२)

आपके अपनेच संगवारी

*, गया प्रसाद साहू*

    "रतनपुरिहा"

*मुकाम व पोस्ट करगीरोड कोटा जिला बिलासपुर 

//हाना के सीख //*

=====०००=====

*१. दुश्मन ल दांव चाही,*

       *माछी चाही घाव*,

*कइसे होय गुजर-बसर*?

    *का जुगती अपनाव ?*

*२. दुश्मन ल दांव झन दे*

   *माछी झन दे घाव |*

*संयम ले गुजर-बसर*,

    *"गया" जुगती अपनाव*||

*३. बेटवा ले बहुरिया गरू*

  *दुबर गरू मोटरा*

*ऊंटवा पहार चढ़ै,*

    *बोले लागे तोतरा ||*

*४. भूखहा ल दाल-भात*

    *प्यासा ल पानी ||*

*बीमरहा ल परहेज,*

    *सरल होय जिनगानी*||

*५. पानी गए ले पार बांधे,*

    *बुजदिल का पाए ?*। *चलनी म गाय दुहे*

       *करम ल ठठाए !!*

*६.मोबाईल बिगाड़े टुरी-टुरा*

   *चाल बिगाड़े मोटर |* *चाय बिगाड़े बिहनिया बूता*

    *जात बिगाड़े होटल !!*

*७. गांजा बर चना-चबेना*,

    *भांग बर चाही घी* |

*दारू बर चखना चाही,*

   *सोच-समझ के पी*||

*८. ग्यानी बर ग्यान बुध*

   *सठ बुध लाठी* |

*सियानी बुध कम बात*,

   *लईका बुध बांटी*||

*९. रोवत लईका झन धरै*

   *झन धरै नंगरिहा के नांगर*|

*कुकर्मी मनखे के संग झन धरै*

*झन धरै पाही टांगर !!*

*१०. बिड़ी सिगरेट तम्बाकू ले,*

   *पेट भरै न पुरखा तरै !*

*गर म केंसर-पेट म अल्सर*

   *अकाल मिरतू मरै !!*

(दिनांक-१६.०७.२०२२)

संकलन करैया

*गया प्रसाद साहू*

  "रतनपुरिहा"

*मुकाम व पोस्ट करगीरोड कोटा जिला बिलासपुर (छ.ग.)

🙏☝️✍️❓✍️👏