छत्तीसगढ़ी हाना*

 *छत्तीसगढ़ी हाना*

1 . **दूबर बर दू असाढ़*

 अर्थ  - पहिली ले परेशानी हावय तेमा अउ परेशानी आ जाथे

2.*खाई मीठ ता माई मीठ*

अर्थ- जेखर ले जादा फायदा होथे तेन हा जादा मयारुक लागथे

3.**तइहा के बात बइहा लेगे*

अर्थ-अब्बड़ जुन्ना बात

4.*पर भरोसा तीन परोसा*

अर्थ- दूसर के धन ला उड़ाय मा नई अखरय ।

5.*एक कोलिहा हुआँ ता जम्मो कोलिहा हुआँ हुआँ*

अर्थ-बिन गुने बिचारे दूसर के हाँ मा हाँ मिलाय

6.*एक आमा के सौ लबेदा*

अर्थ-कोनो एक ठन जिनिस के जादा माँग होवय

7.*उजड़े मड़वा मा डिड़वा नाच*

अर्थ-कोनो काम के होय ले चुस्ती फुरती देखाय

8.*करमइता के नाँगर ला भूत जोतय*

अर्थ -अबड़ेच भागमानी होवय

9.*चलनी मा गाय दुहय,करम ला देवय दोस*

अर्थ-खुदे गलती करय अउ भाग ला दोष देवय

10.*जबके आमा तबके लबेदा*

अर्थ-जउनेच बुता के बेरा आय तउने बुता ला करय

11*कउआँ कान लेगे ता ओखर पाछू नई भागय*

अर्थ-कोनो कुछु अफवाह फइलाइस तेने ला मान लेवय

12.*नवा बइला के नवा सींग  चल रे बइला टींगे टींग*

अर्थ-नवा नवा जिनिस बर जादा लगाव रहिथे

संकलनकर्ता

चित्रा श्रीवास

बिलासपुर