छेरछेरा पुन्नी

 छेरछेरा पुन्नी 

छेरछेरा के तिहार हमर छत्तीसगढ म बड़े उत्साह से लइका सियान सबो जुर मिल के मनाथन छेरछैरा पूष महीना के पुन्नी के दिन मनाए जाथे ये दिन दान देना दान लेना शुभ माने जा थे ये दिन लइका मन मा उत्साह जादा देखे जा थे वर्षो से मनावत ये त्योहार मन खुशी जोश लाथे धीरे धीरे हमर गांव के तिहार नदावत दिखत हे येकर कारण चाही गरीबी  हो महंगाई हो

गांव के लोगन के दो बखत के रोटी बर पलायन हो गांव से शहर तरफ रुझान ये प्रमुख कारण हे

किसान अपन धान मिजाई कर कोठी म भरत रहीन आज किसान के कोठी खाली होगे  किसान पहिली अपन बारह महीना खाए बर बिजहा बर जरुर रखत रहीन

आज जबसे सरकार चावल देके शुरू करे हे कोठी सुन्ना होंगे किसान के कोठी पहीली दीन दुकाल परय तबेज कोठी सुन्ना होवय आज सरकार धान खरीदत हे पैसा अवु करज के कारण कोठी म मुसुवा के खाए बर धान कोदो कुटकी राहेर तिवरा नदा गे 

गांव के ठुडगा रुख जस के त स

खड़े अवइया सौ बछर कैसे होहि चिंता अवू चिंतन के विषय ये

मोर गांव के ठुडगा रुख़ साठ बच्छर ले टुकुर टुकुर निहारत देखत हे फेर महगाई अऊ गरीबी बीमारी लाचारी बेरोजगारी ल बरजे के ताकत ख़तम होगे कोनो सुनईया नईये सब येती ओती दतनिपोर कस निहारत हे गांव म

लईका मन सूत उठ के तरिया कुआ नदी म नहा के  नदी तरीया म दीप दान करके पुन्नी नहा के घरों घर छैरछेरा मगय के परथा रहीस पैली काठा

धान  चाऊर पैसा इकट्ठा करके दुकान म बेच के आस पास के पुन्नी मेला जरूर जावन मेला म कुशियार मुर्रा  करी लड्डू गुलगुला भजिया मुर्रा

लाडू चना फल्ली दाना खावन ढेलुवा झूलन मेला म सरकस मौत कुवां रयचुल नाचा नाटक लीला

जरूर देख के आवन आज ये सब

नदावत हे ये तिहार म ईही बहाना एक दुसर के घर जाए बर मिलय

ये संस्कार ये धरोहर ल जीवित रखना हमर पुराना सियान अगुवा

युवा पीढ़ी के जिम्मेदारी हे

मोहन डहरिया

8319589325