मेडे- मेडे-मेडे
-----------------
बेटा दूनो घरेलू काम से रायपुर गे रहेन।वापसी मा हाइवे मा दूनो तरफ लम्बा जाम लगे रहिसे।कारण पता करेंव त पता चलिस के बस अउ ट्रक मा एक्सीडेंट होगे हे।दस-ग्यारा आदमी मर गे हें।बहुत झन घायल हें।लोगन हाइवे जाम कर दे हें।पुलिस वाले मन आन रद्दा ले जाये बर सब झन ला लहुटावत रहिन ।हमू मन लहुट गेन।गाड़ी लड़का चलावत रहिस। एहू कोती रस्ता जाम ।गाड़ी मन कछुवा कस सरकत रहिन।अचानक लड़का के मोबाइल बार बार बजे ला धर लिस। मैं कहेंव -झन उठा--गाड़ी चलाये मा चेत कर नहीं ते ठोंका जही। वोती मोबाइल बजना बँदे नइ होवत रहिसे।लड़का सो मोबाइल ला माँग के उठायेवँ अउ मेडे- मेडे -मेडे कहिके काट देंव।
चोवाराम वर्मा 'बादल '
No comments:
Post a Comment