नावा -जुन्ना* *(छत्तीसगढ़ी लघुकथा)*

 -

                 *नावा -जुन्ना*

           *(छत्तीसगढ़ी लघुकथा)*

           बेटा ! प्रकृति हर बड़ समझदार ये।देख न ,वोहर रुख मन ले सबो जुन्ना पाना मन ल झार दिस न।अब वो जुन्ना पाना मन के जगहा म नावा पाना मन आहीं।

         बिल्कुल  ददा ! प्रकृति हर निच्चट समझदार ये।अउ हमु मन ल,वोकर अनुशरण करना चाही। देख न मंय तोर देय जम्मो जुन्ना नोट मन ल झर्रा देय हंव।अब तँय प्रकृति महतारी के गोठ ल मानत मोर हाथ म गोंछा भर के नावा नावा नोट मन ल देबे...

         बेटा के गोठ पुर नई पाय रहिस फेर बाप हर अपन दार्शनिक बेटा के मुख ल बड़ गहिल ढंग ले देखे के शुरू जरूर कर देय रहिस।

*रामनाथ साहू*