नानकीन किस्सा
बड़का सुख
समारू ह नवा फसल के धान के बोरी मन ल कुरिया भीतरी कोठी म रखवावत रहाय। तभे ओखर मितान बुधारू आगे।
बुधारू ह घलोक धान के बोरी मन ल ट्रेक्टर ले उतारे म सहायता करे ल लागिस।
जम्मो धान के बोरी मन कोठी म भरागे त समारू ह फेर तीन ठिंन बोरी ल कोठी भीतर ले निकलवा बर कहिस।
तब बुधारू कहिस-"अभिच्च त धान के बोरी मन ल लटपट राखे सके हवन फेर काबर तैंहा धान के बोरी मन ल निकलवावत हस?"
समारू कहिस-"हव गा मितान, भुला गे रहेंव। मेंहा हर साल धान के तीन बोरी ल आरुग राखथंव।एक बोरी धान ल चिरई चिरगुन मन बर राखथंव,एक बोरी ल मंगइया भिखमंगा मन बर राखथंव अउ एक बोरी ल सगा-मितान मन ल चौऊर पिसान के रोटी खाये बर देथंव। अईसने अपन फसल के धान के तीन बोरी ल देथंव त मोला बड़ सुख मिलथे।देहे के सुख बड़का होथे मितान, अउ हमन कोनो ल का देहे सकथन ?"
समारू के ये गोठ ल सुन के बुधारू कहिस-" वाह!मितान, तैं तो बड़ सुघ्घर पुन्न के काम करथस।तैंहा छोटे किसान होके भी अपन फसल के कुछ हिस्सा ल बांट के खाथस।ये बहुत बढ़िया आय।आज बड़े-बड़े लोग मन बेईमानी करके दूसर के हक ल घलोक खा देथे। अईसे में तोर ये काम ह लोगन मन बर प्रेरणा हवय।" अइसन कहत बुधारू ह समारू के पीठ ठोकिस अउ ओखर गला ले लिपट गिस।
डॉ. शैल चन्द्रा
रावण भाठा,नगरी
जिला-धमतरी
छत्तीसगढ़
सम्प्रति
प्राचार्य
शासकीय उच्च माध्यमिक विद्यालय टाँगापानी
तहसील-नगरी
जिला-धमतरी
छत्तीसगढ़
आदरणीय सम्पादक जी,
सादर नमस्कार!
उक्त लघुकथा मौलिक अप्रकाशित है।
डॉ. शैल चन्द्रा
मोबाइल नंबर-9977834645
बहुत सुन्दर किस्सा
ReplyDelete