बिलासपुर के साहित्यकार
*बिलासपुर के साहित्यिक दमक वो जमाना ले हे जब रतनपुर मा हैहयवंशी राजा राजसिंह के राज रहिस। कवि गोपालचंद्र मिश्रा अउ उनकर सपूत माखन मिश्रा 17 वाँ शताब्दि मा साहित्य के जोत जगाए रहिन। इनकर रचे रामप्रताप, जेमिनी अश्वमेध, खूब तमाशा, सुदामा चरित, भक्त चिंतामणि जइसन ग्रंथ के अवदान ल भला साहित्य जगत भुला पाही* ?
*इनकर बाद तेजनाथ शास्त्री, शिवनाथ शास्त्री (संस्कृत भाषा के रचनाकार) के नाम आथे। बाबू रेवाराम जिन मन ब्रज, हिंदी, उर्दू अउ मराठी भाषा के विद्वान रहिन, श्रीकृष्ण लीला के गीत अउ भजन लिखके लोकप्रिय होइन। रतनपुर के इतिहास घलो लिखे रहिन जेकर सहारा पाके जिला के गजेटियर बनाए म सहोलियत होए रहिस*।
*छन्द के आचार्य जगन्नाथ प्रसाद भानु, लोचनप्रसाद पांडेय, मुरलीधर पांडेय, मुकुटधर पांडेय, मेदिनी प्रसाद पांडेय, पुत्तीलाल शुक्ल, शुकलाल प्रसाद पांडेय, शिवदास पांडेय, गोपाल दामोदर तामस्कर, जइसे साहित्यकार बिलासपुरे के तो देन आय*।
*बिलासपुरे जिला ले माधवराव सप्रे जी "छत्तीसगढ़ मित्र" के पहिली अंक प्रकाशित करे रहिन। सैयद अमीर अली "मीर", यदुनन्दन प्रसाद श्रीवास्तव, सर्यूप्रसाद त्रिपाठी मधुकर, द्वारिका प्रसाद तिवारी विप्र, शेषनारायण शर्मा शील, देवी प्रसाद वर्मा, गजानन शर्मा, शिवनारायण जौहरी विमल, श्रीमती शशि तिवारी, डॉ. गोविंद प्रसाद शर्मा, काशीनाथ गर्गाश्रमी, राजेंद्रप्रसाद शुक्ल, पालेश्वर प्रसाद शर्मा, जगमोहन मिश्र, राम खिलावन, मोतीलाल सोनी, विपिन बिहारी बाजपेयी, कन्हैयालाल जायसवाल, मुरारी सिंह, राजेन्द्र मिश्र, शिवशंकर शुक्ल, धनसाय विदेह, लक्ष्मण सिंह पवाँर, , श्याम नारायण शुक्ल, अम्बिका प्रसाद तिवारी, मोरेश्वर राव रामचंद्र काले, ज्ञानसिंह ठाकुर, श्यामलाल चतुर्वेदी, विमल कुमार पाठक, ध्वंसावशेष त्रिपाठी, नरेंद्र, कुमार अग्रवाल ये सब कवि, लेखक, साहित्यकार मन बिलासपुर जिला के भुइयाँ ले साहित्य के अलख जगाइन*।
आप बिलासपुर के उपेक्षा के बात करे हव तेपाय के मँय तइहा जमाना के साहित्यकार मन के सुरता करे हँव। आप शायद बिलासपुरे के आव। मोर निवेदन हे कि इन सब महान विभूति मन के कृतित्व अउ व्यक्तित्व के परिचय, नवा रचनाकार मन ला जरूर करवावव ताकि बिलासपुर के साहित्यिक बुलंदी ल येमन जान सकें। *आपके अमूल्य सहयोग छत्तीसगढ़ी लोकक्षर मा एक नवा अध्याय साबित होही*।
*अरुण कुमार निगम*
🙏🙏🙏🙏🙏🙏🙏🙏
No comments:
Post a Comment