मन के डर* चोवाराम वर्मा बादल
मनखे ल अपन जिनगी म अच्छा आदमी मन ले संगति जरूर करना चाही । सियान मन सिरतो कहे हें-- जइसन संग तइसन रंग।
सन 1987-88 के बात होही जब मैं बी. टी. आई. महासमुंद म शिक्षा विभाग के तरफ ले दू साल के अध्यापकीय प्रशिक्षण लेवत रहेंव । हॉस्टल म जगा नइ मिले के कारण बरोंडा चौक म एक ठन कमरा लेके राहत रहेंव। ओ समय जम्मों प्रशिक्षु गुरुजी मन ल छै बजे पी टी क्लास म अनिवार्य रूप ले उपस्थित होना पड़य।उहाँ रोज हाजरी घलो होवय।अब तो सबो नँदागे।
एक दिन पी टी क्लास के बाद उही मेर के होटल म चाय पियत बइठे राहवँ । तीर म बइठे एक झन सहपाठी गुरुजी डड़सेना जी ह पूछथे --वर्मा जी छुट्टी होये के बाद तैं हा का करथच?
मैं कहेव अउ का करहूँ मित्र। इहाँ दिनभर पिरेड उपर पिरेड में अइसे भी थक ज रहीथवँ।
राँधे खाये के बाद पाठ योजना बना के नव, दस बजे सूत जथवँ। वो कहिच उहिच काम तो महूँ करथवँ फेर मैं एक ठन हुनर सीखे ल घलो जाथवँ। तैं चाहबे त तहूँ सीख सकथच। पचास रुपिया महीना के फीस हवय। छै महीना के कोर्स हे। मैं मने मन सोंचेंव --संगीत या चित्रकारी सीखे ल जात होही। तभो ले जिज्ञासा वश पूछ परेवँ--का सीखथच भाई। वो कहिच --रेडियो ,टीवी , सी डी प्लेयर आदि बनाये बर। अतका ल सुनके मोर भीतर के विज्ञान जागगे काबर के मैं अपन विद्यार्थी जीवन म साइंस के छात्र रहेंव। मैं तुरते तैयार होगेंव।अउ बिहान भर शाम के सात बजे ले नौ बजे ले *मोरे रेडियो सेंटर* महासमुंद म रेडियो, टी वी (श्याम श्वेत, वो समे रंगीन टी वी चलन म नइ रहिसे) बनाये ल सीखे ल धरलेंव। वो डड़सेना जी अउ मैं अपन लगन अउ मोरे जी के दिये ज्ञान म अन्य मन के तुलना म बहुत जल्दी दक्ष होगेंन। छै महीना के बाद मोरे जी हम दूनों ल निशुल्क बला लिच। ओकर दुकान म आये अधिकांश बिगड़े रेडियो ,टी वी ल हम दूनो बनावन।
ट्रेंनिग खतम होये के बाद वो मित्र के पोस्टिंग सराईपाली अउ मोर हथबन्द (रेल्वे स्टेशन) के नजदीक के गाँव नवापारा म होगे। हाथ म हुनर तो रहिसे। हथबन्द म एक छोटे से दुकान किराया म लेके वो एरिया के वो समे के एक मात्र रेडियो ,टीवी रिपेरिंग दुकान ' गुरुदेव रेडियो' खोल डरेंव। स्कूल जाए के पहिली अउ आये के बाद रिपेरिंग करवँ। गिरे ले गिरे हालत म रोज दू ,ढाई सौ रुपया कमा डरवँ। पइसा आये ल धरलिच तहाँ ले गाँव ले भतीजा ल बलाके साइकिल रिपेरिंग अउ किराया के काम बढ़ा डरेंव।
एक दिन संझा के बेरा एक झन के बिगड़े टीवी ल बनावत रहेंव अउ बगल म भतीजा ह सायकल के का चीज ल ठोंक ठोंक के बनावत राहय। ग्राहक मन घलो बइठे रहिन। अचानक एक ठन नट हा आके उही हाथ के कोहनी म , जेमा सालडर ल धरे काम करत रहेंव , कस के परगे। हा दाई काहत झन्नागेंव। सालडर फेंकागे अउ हाथ ह टीवी के पावर सेक्शन म जिहाँ डीसी कई गुना बुस्ट होथे जाके परगे। अतका जोर के झटका मारिच के कुर्सी सुद्धा फेकागेंव। देखो देखो होगे। भतीजा डर म रोये ल धरलिच। कहूँ जूता नइ पहिने रहितेंव त मैं वो दिन निपट ज रहितेंव। भगवान कृपा ले अइसे कुछु नइ होइच।
वो हुनर अभो जिंदा हे फेर अब जब जब कोनो बिजली के काम करे ल धरथवँ तहाँ ले पता नहीं काबर ते वो घटना के सुरता आ जथे अउ माईं हाथ काँपे ल धरलेथे।शायद डर ह मन म बइठ गे हे।
चोवा राम 'बादल'
हथबन्द, छग
(छंद साधक, व्याख्याता शास उच्च मा वि केसदा, सिमगा)
मनखे ल अपन जिनगी म अच्छा आदमी मन ले संगति जरूर करना चाही । सियान मन सिरतो कहे हें-- जइसन संग तइसन रंग।
सन 1987-88 के बात होही जब मैं बी. टी. आई. महासमुंद म शिक्षा विभाग के तरफ ले दू साल के अध्यापकीय प्रशिक्षण लेवत रहेंव । हॉस्टल म जगा नइ मिले के कारण बरोंडा चौक म एक ठन कमरा लेके राहत रहेंव। ओ समय जम्मों प्रशिक्षु गुरुजी मन ल छै बजे पी टी क्लास म अनिवार्य रूप ले उपस्थित होना पड़य।उहाँ रोज हाजरी घलो होवय।अब तो सबो नँदागे।
एक दिन पी टी क्लास के बाद उही मेर के होटल म चाय पियत बइठे राहवँ । तीर म बइठे एक झन सहपाठी गुरुजी डड़सेना जी ह पूछथे --वर्मा जी छुट्टी होये के बाद तैं हा का करथच?
मैं कहेव अउ का करहूँ मित्र। इहाँ दिनभर पिरेड उपर पिरेड में अइसे भी थक ज रहीथवँ।
राँधे खाये के बाद पाठ योजना बना के नव, दस बजे सूत जथवँ। वो कहिच उहिच काम तो महूँ करथवँ फेर मैं एक ठन हुनर सीखे ल घलो जाथवँ। तैं चाहबे त तहूँ सीख सकथच। पचास रुपिया महीना के फीस हवय। छै महीना के कोर्स हे। मैं मने मन सोंचेंव --संगीत या चित्रकारी सीखे ल जात होही। तभो ले जिज्ञासा वश पूछ परेवँ--का सीखथच भाई। वो कहिच --रेडियो ,टीवी , सी डी प्लेयर आदि बनाये बर। अतका ल सुनके मोर भीतर के विज्ञान जागगे काबर के मैं अपन विद्यार्थी जीवन म साइंस के छात्र रहेंव। मैं तुरते तैयार होगेंव।अउ बिहान भर शाम के सात बजे ले नौ बजे ले *मोरे रेडियो सेंटर* महासमुंद म रेडियो, टी वी (श्याम श्वेत, वो समे रंगीन टी वी चलन म नइ रहिसे) बनाये ल सीखे ल धरलेंव। वो डड़सेना जी अउ मैं अपन लगन अउ मोरे जी के दिये ज्ञान म अन्य मन के तुलना म बहुत जल्दी दक्ष होगेंन। छै महीना के बाद मोरे जी हम दूनों ल निशुल्क बला लिच। ओकर दुकान म आये अधिकांश बिगड़े रेडियो ,टी वी ल हम दूनो बनावन।
ट्रेंनिग खतम होये के बाद वो मित्र के पोस्टिंग सराईपाली अउ मोर हथबन्द (रेल्वे स्टेशन) के नजदीक के गाँव नवापारा म होगे। हाथ म हुनर तो रहिसे। हथबन्द म एक छोटे से दुकान किराया म लेके वो एरिया के वो समे के एक मात्र रेडियो ,टीवी रिपेरिंग दुकान ' गुरुदेव रेडियो' खोल डरेंव। स्कूल जाए के पहिली अउ आये के बाद रिपेरिंग करवँ। गिरे ले गिरे हालत म रोज दू ,ढाई सौ रुपया कमा डरवँ। पइसा आये ल धरलिच तहाँ ले गाँव ले भतीजा ल बलाके साइकिल रिपेरिंग अउ किराया के काम बढ़ा डरेंव।
एक दिन संझा के बेरा एक झन के बिगड़े टीवी ल बनावत रहेंव अउ बगल म भतीजा ह सायकल के का चीज ल ठोंक ठोंक के बनावत राहय। ग्राहक मन घलो बइठे रहिन। अचानक एक ठन नट हा आके उही हाथ के कोहनी म , जेमा सालडर ल धरे काम करत रहेंव , कस के परगे। हा दाई काहत झन्नागेंव। सालडर फेंकागे अउ हाथ ह टीवी के पावर सेक्शन म जिहाँ डीसी कई गुना बुस्ट होथे जाके परगे। अतका जोर के झटका मारिच के कुर्सी सुद्धा फेकागेंव। देखो देखो होगे। भतीजा डर म रोये ल धरलिच। कहूँ जूता नइ पहिने रहितेंव त मैं वो दिन निपट ज रहितेंव। भगवान कृपा ले अइसे कुछु नइ होइच।
वो हुनर अभो जिंदा हे फेर अब जब जब कोनो बिजली के काम करे ल धरथवँ तहाँ ले पता नहीं काबर ते वो घटना के सुरता आ जथे अउ माईं हाथ काँपे ल धरलेथे।शायद डर ह मन म बइठ गे हे।
चोवा राम 'बादल'
हथबन्द, छग
(छंद साधक, व्याख्याता शास उच्च मा वि केसदा, सिमगा)
गज़ब सुग्घर गुरुजी
ReplyDeleteहार्दिक आभार आपके बंधुवर।
Deleteबहुत सुग्घर गुरुदेव जी
ReplyDeleteबहुत बहुत धन्यवाद चन्द्राकर जी।
Delete